MIAPELA ang usa ka doctor sa mga LGU’s sa pagtutuk sa mental health awareness. Kini dungan sa nahitabong pagpanigbas sa usa ka indibidwal sa iyang mga kabanay sa Sitio Tapal, Datalbukay, Glan Sarangani Province.
Matud ni Dr. Renato Diagan, labaw sa R.O Diagan Cooperative Hospital ug Chapter President of the Philippine Hospital Association sa GenSan. Ang nahitabo sa mentally challenged person ug kabanay niini ang usa ka “wake up call” nga kinahanglang himoong prayoridad ang mental health issues.
“Awareness ng local government and they have to realized eto this a wake-up call to us that mental health should be address kung dili etong violent cases may mga mangamatay,” asoy ni Diagan.
Ang mental health ang gi-defined sa United States Centers for Disease Control and Prevention (CDC), ang emotional, psychological social wellbeing sa usa katao. Gikumpirma ni Diagan nga dunay psychiatric ang lalaking gitudlong mipatay sa duha ka kabanay nga gikasamad usab sa tulo pa apil ang mga bata sa gihimong pagpanigbas.
Sa GenSan, 2014 dunag resolusyon ang Sangguniang Panlungsod (SP) nga naghangyo sa kaniadto Pangulong Benigno Simeon Aquino III ug sa Department of Health (DOH) lakip sa Department of Budget and Management. Aron maka-develop og mental hospital o related facility sa rehiyon-12 dungan sa pagdaghan sa mga dunay mentally ill nga tao nga naglatagaw sa kadalanan sa GenSan. I Richel Gubalani