Doktor nagpahimangno sa publiko dungan sa pagluag sa Covid-19 restrictions

NAGPAHIMANGNO ang health expert sa GenSan sa publiko nga padayong sundon ang minimum health protocols batok Covid-19. Kini dungan sa pagtangtang na sa LGU sa pagpatuman sa Sunday lockdown human sa lima ka bulan nga implementasyon.

Matud ni Dr. Fidel Peñamante, Presidente sa Philippine Medical Association (PMA)GenSan- Chapter angayang dili makalimot ang mga tawo nga naa gihapon ang bahad sa virus. Luyo sa pag-ubos sa ihap sa aktibong kaso niini sa GenSan nga naa na lang sa kapin kulang 500 gikan sa hapit 2,000 nga cases nakalabay’ng mga bulan.

Luyo sa pag-ubos sa active cases taas gihapon ang Covid-19 related death sa GenSan ug naa gihapon sa critical level o 70% ang hospital occupancy, dugang ni Peñamante.

Sa Oktubre 17, epektibo na ang mandu nga pagtangtang sa implementasyon sa No Sunday movement sa dakbayan. Tungod matud pa sa maayong kalambuan sa Covid-19 situation sa dakbayan.

Sa taho sa Department of Health (DOH) 12 atong Oktubre 11 gikonsidera na nga low-risk areas sa ang rehiyon base sa two-week Covid-19 case growth rate. (Richel Gubalani)