NAGLAOM ang doktor sa GenSan nga moubos ang kaso sa Covid-19 dungan sa pagpatuman sa General Community Quarantine (GCQ).
Sa ulahing pamahayag ni Dr. Ryan Aplicador, deputy incident commander sa Local Inter- Agency Task Force on Covid-19, kung mosunod ang tanan sa mga health protocols mahimo nga makonhud ang kaso ug mapaluagan posibleng dili malugwayan ang GCQ.
Nasayod si Aplicador nga daghan na ang sakripisyo sama sa nawad-an og trabaho tungod sa gipatuman nga restrictions. Hinungdan nga kinahanglang magtinabangay ang tanan aron dili na madungagan ang ihap sa kaso sa natakboyan sa virus.
Samtang, magpahigayon ang CIATF og weekly assessment sa sitwasyon sa Covid-19 sa dakbayan. Kahibaloan nga sagad sa traysikel drayber sa dakbayan ang mikalampag na human sila ang labing naigo sa gipatuman nga GCQ. ( Richel Gubalani)