GIPANGANDAMAN na karon sa Department of Labor and Employment (DOLE) Region 12 ang umaabot nga 125th Kalayaan Independence Day celebration sa June 12, 2023 pinaagi sa serye sa mga events nga nagtumong sa paghatag og igong kagahum sa mga Filipino workforce ug pagduso sa kaayohan ug katungod sa mga bata.
Ilalom sa tema nga “Kalayaan. Kinabukasan. Kasaysayan,” ang selebrasyon magsugod sa giatangan nga Kalayaan Job Fair, nga gi-organisa sa DOLE 12 sa pakig-alayun sa SM Mall of General Santos City ug sa Public Employment Service Office (PESO sa City Government sa General Santos. Tumong sa pag-obserba sa maong mahinungdanong okasyon, gilauman nga makatigom og 50 ka local employers ug 20 ka overseas recruitment agencies sa ipahigayong job fair nga motanyag og daghanang employment opportunities alang sa mga job seekers.
Dungan niini ang DOLE mag-host sa Araw ng Kalayaan alang sa #Batang Malaya isip suporta sa global campaign batok child labor. Ang maong event, langkuban sa mga engaging activities ug gift-giving alang sa 75 ka mga identified child laborers ug ilang ginikanan o guardians, ingon man paghatag og igong importansya alang sa katungod ug kaayohan sa matag bata sa nasud.
Samtang magmugna usab ang DOLE-12 og One-Stop-Shop alang sa mga serbisyo sa gobyerno, sa pakig-alayun usab sa mga government agencies sama sa NBI, PNP, TESDA, SSS, PhilHealth, Pag-IBIG, PSA, DFA, PRC ug BIR.