DOLE-12 padayon ang profiling sa child laborers sa Soccsksargen

PADAYON ang profiling sa Department of Labor and Employment (DOLE) sa Soccsksargen sa mga child laborers aron matabangan silang matangtang sa child labor.

Kini dungan sa mandu ni Pangulong Ferdinand Marcos Jr., nga paspasan ug himoong prayoridad ang pagwagtang sa child labor sa nasud. Giangkon sa duha ka 12-anyos nga batang lalaki nga namaligya og selopin sa palengke nga dili nila buot manginabuhi.

Apan tungod sa kapobrehon gikan sila sa Malapatan, Sarangani Province ug Malabang, Lanao Del Sur ‘nakipag sapalaran’ sa GenSan. Sa bahin sa opisyal sa Barangay Dadiangas South sa GenSan, pinaagi sa kapitan nga si Rock Eliseo Garay, giimbestigahan na nila ang posibleng child labor sa palengke.

Sa bahin ni Joel Gonzales, regional director sa DOLE-12 luyo sa pabiling tala sa child labor dili na kini maka-alarma sa karon. Padayon ang lakang nga gihimo sa DOLE-12 aron pakgangon ang problema sa child labor partikular na sa rehiyon-12.

Kahibaloan nga padayon ang pagpanghatag sa DOLE og starter kits sa mga ginikanan sa mga nasuta nilang child laborers. Ilawom sa chapter 3 sa Philippine Development Plan 2023-2028, punting sa gobyerno ang mahimong ‘zero’ ang datus sa child labor.  I Richel Gubalani

Leave a Reply

Your email address will not be published. Required fields are marked *