DOLE, DOH, DepEd, at iba pang mga ahensya ng gobyerno, suportado ang Sogie equality bill

Nagpahayag ng kanilang suporta ang iba’t-ibang ahensya ng gobyerno para sa Sexual Orientation and Gender Identity Expression (Sogie) equality bill.

Ayon kay  Rep. Geraldine B. Roman, 12 oroas ang inilaan sa pakikinig sa mga resource persons para sa mga pabor at tutol ng kasalukuyang bersyon ng Sogie equality bill, na unified version ng House Bills  222, 460, 3418, 4277, 5551, 6003 at 7036.

Kaugnay nito, sinabi ni Adriel Pizarra, isang medical officer na nagsalita para sa Department of Health (DOH), na suportado umano ng DOH ang house bills na naglalayung protektahan ang fundamental rights ng lahat ng indibidwal laban sa anumang uri ng diskriminasyon base sa kanilang sexual orientation, gender identity and expression, at sexual characteristics.

Ganito rin ang pananaw ng Department of Labor and Employment (DOLE), dahil may mga hakbang din umano ito na pomoprotelta sa mga tao mula sa gender-based discrimination sa workplace. Sa panig naman ng Technical Education And Skills Development Authority, handa umano silang magbigay ng suporta sakaling maipasa bilang batas ang naturang panulala, maging ang Philippine National Police (PNP).