DOLE-GenSan nagpahimangno sa private sector kalabut sa ‘double pay’

NAGPAHINUMDOM ang Department of Labor and Employment (DOLE) sa GenSan sa mga employers sa pribadong sector nga mobayad og double pay sa mga empleyado nga nagtrabaho karong adlawa Biyernes dungan sa pagsaulog sa Muslim community Eid’l Fitr (Feast of Ramadan).

Matud ni Domingo Baron, labaw sa DOLE-GenSan nagpahimangno kini sa mga employers nga sundon ang giya sa paghatag og kumpensasyon sa mga mamumuo.

Kini dungan sa pagdeklara sa Malakanyang isip regular holiday karong adlawa asa entitled ang mga empleyado sa 200 percent pay kung moreport sa trabaho.

Sa mga mitrabaho atol sa regular holiday, angayang bayaran ang empleyado og 200% sa ilang sweldo sa maong adlaw sa unang walo ka oras o (Basic wage × 200 percent).

Sa molapas sa walo ka oras, ang empleyado ang makadawat og dugang 30% sa hourly rate sa maong adlaw.

Kahibaloan nga gipirmahan ni Pangulong Ferdinand R. Marcos Jr. ang giisyu nga Proclamation No. 201 nga nagdeklara sa Abril 21 isip regular holiday sa tibuok nasud atol sa pag-obserba sa Eid’l Fitr. I Richel Gubalani

Leave a Reply

Your email address will not be published. Required fields are marked *