Malipayon nga nabaton sang mga estudyante nagikan sa nagkatuhay nga buluthoan sa Probinsya sang Capiz ang ila sweldo sa idalum sang Special Program for Employment of Students (SPES) sang Department of Labor and Employment (DOLE).
Kapin 141 tanan ka mga estudyante ang nakabenepisyo sa nasambit nga programa kag nakabaton sang P 11,379 nga sweldo halin sa Gobyerno Probinsyal pinaagi sa Provincial Employment Service Office (PESO).
Katuyuan sang programa para mahatagan sang trabaho ang mga estudyante nga luyag makatipon sang kwarta sa tion sang bakasyon kag para makabulig agud makapiyan-piyan sa ila galastuson sa pagtuon.
Tuman naman ang pasalamat sang mga benepisyaryo sa ginhatag nga kahigayunan sa ila.