Tutol si Labor Secretary Silvestre Bello III sa hiling ni Philippine National Police (PNP) chief Gen. Debold Sinas na i-require ang police clearance para sa iba’t-ibang labor-related transactions.
Sa sulat ni Bello kay Sinas, sinabi nitong ang mungkahing karagdagang requirement ay lalo lang makakasama sa halip na makabuti.
Ayon sa kalihim, 94 percent ng mga employers at workers ay hindi pabor na gawing requirement ang police clearance para sa mga DOLE transactions, batay sa survey na isinagawa sa mga stakeholders.
Paliwanag pa nito, ito ay isang uri ng red tape para sa lahat at karagdagang financial burden para sa nakararami.
Maliban dito, hindi rin umano ito tugma sa polisiya ni Pangulong Rodrigo Duterte alinsunod sa Republic Act No. 11032, o ang Ease of Doing Business and Efficient Government Service Delivery Act of 2018, at Executive Order No. 129. // MHEL PACIA