Base sa kumpirmasyon ni DOLE Capiz Field Office, Amalia Judicpa, ginpondohan it Department of Labor and Employment (DOLE) ro maeain-eain nga mga livelihood projects para sa Punta Cogon Parents of Child Laborers Association it Barangay Punta Cogon, Roxas City.
Ro mga nasambitan nga proyekto hay para sa mga ginikanan it mga child laborers nga ro pangabuhian hay pagpangisda.
Sa programa, 30 ka mga ginikanan it mga child laborers ro pagataw-an it bulig pangkabuhayan.
Kaeakip dikara ro pagta-o it 19 motorized bancas sa 19 beneficiaries, 60 sako nga mga bugas para sa 6 ka mga beneficiaries it rice retailing projects, mga groceries para sa 3 beneficiaries it mga may sari-sari store, ag mga fishing gears para sa 2 beneficiaries.
Makarang dag-on eamang, nagta-o it bulig pangkabuhayan ro 100 ka mga ginikanan it mga child laborers./JIL B. LACSON