DOST: Ivermectin clinical trials, sisimulan sa June

Maglalaan ang gobyerno ng P22-million para sa pagsasagawa ng 8-month clinical trial para sa ivermectin, kung saan ay aalamin kung may kakayahan ito na labanan ang COVID-19.

Ayon kay Department of Science and Technology (DOST) Secretary Fortunato dela Peña, sasagutin na ng Department of Health ang gastusin para sa trials.

Pangungunahan naman ni Dr. Aileen Wang ng UP-PGH Department of Medicine ang panel na hahawak sa trial na tatakbo mula June hanggang January 2022.

Ipinunto ni Dela Peña na susuriin ang anti-parasitic drug para sa efficacy, safety, at effect nito sa 1,200 asymptomatic at non-severe Filipino COVID-19 patients, na 18 anyos pataas.

Samantala, nakikipag-ugnayan naman ang DOST kay Senator Richard Gordon at Philippine Red Cros para sa mga pasilidad na gagamitin sa ivermectin trials.

Leave a Reply

Your email address will not be published. Required fields are marked *