Gina-engganyo makarun it Department of Science and Technology (DOST) sa Western Visayas ro mga supplier it kaeabasa nga magtao sa mga nagapatigayun it mas ginpasanyog nga Enhanced Nutribun or e-Nutribun.
Sa makarun hay may kakueangan sa suplay sa tunga it produksyon ag distribusyon it proyekto.
May an-um eon ka e-Nutribun technology adopters sa Western Visayas.
Ro e-Nutribun hay ginbag-o it DOST-Food and Nutrition Research Institute (FNRI) halin sa orihinal nga nutribun ku 1970s agud masabat ro panawagan it Department of Social Welfare and Development (DSWD) Memorandum Circular No. 12 Series of 2020 nga may tinutuyo nga magrekomenda it masustansiyang food packs ag sustainable food sources agud masolusyunan ro gutom ag nutrisyon.
Ro nasambit nga ready-to-eat bread hay may masustansyang sangkap para sa mga unga agud masukean ro malnutrition.
Ro nationwide roll-out it e-Nutribun hay nagapursige nga makatao it pangabuhian sa mga trabahador ag mangunguma it mga raw materials parehu it kaeabasa ag iba pa. / ANN DESLENE SALAZAR