DOT Sec. Frasco, maogma sa mga LGUs na nagpartisipar sa PhilEx – PTCAO

LEGAZPI CITY – Kinumpirmar kan Albay Provincial Tourism Culture and the Arts Office (PTCAO) na nagin maogma si Department of Tourism (DOT) Secretary Christina Garcia Frasco sa mga lokal na gobyerno na nagpartisipar sa ikinondusir na Philippine Experience (PhilEx) sa probinsya nganing ma-promotir an saindang tourism assets.

Personal na nahiling ni Frasco an mga livelihood, delicacies asin crafts kan manlain-lain na lugar sa aldaw na itinampok sa aktibidad.

Sa intrevista kan Brigada News FM Legazpi kay Albay PTCAO head Dorothy Fernandez Colle, sinabi niya na boot pa ni Frasco na mautro an aktibidad, kaya lang tatawan man ninda ki tyansa an Camarines Sur sa masunod na aktibidad.

Segun kay Colle, dai man su boot napasupgan an mga kairibahan ni Frasco na tour operators na hale pa sa Manila.

Apwera digdi, igwa pang mga kairibanan na hale sa Japanese Embassy asin mga representantes sa Cebu.

Mientrastanto, labi man an pasalamat ni Colle sa pagpili kan DOT sa Albay asin Sorsogon para sa PhilEx orog na sa mga LGUs na nagpartisipar asin sa kadakol pang iba.

Leave a Reply

Your email address will not be published. Required fields are marked *