CEBU -Tulo ka mga dagkung infrastructure projects ang gikatakdang tukuron sa Sugbo matud sa mga opisyal sa Department of Public Works and Highways Central office.
Kini naglakip sa ika-upat nga Mactan-Cebu bridge nga nagkantidad ug P76 bilyon, Mandaue-Consolacion-Liloan coastal road nga adunay budget nga P31 billion ug ang Lapu-Lapu coastal road.
Subay niini, nakigtagbo si DPWH project manager Benjamin Bautista kang Governor Gwendolyn Garcia alang sa paghisgot sa maong mga proyekto.
Ang ika-upat nga taytayan sa Sugbo, tukuron gikan sa Cansaga Bay bridge sa dakbayan sa Mandaue paingon sa Barangay Ibo sa Lapu-Lapu City, diin ang konstruksiyon niini bayaran sa loan nga gikan sa Japanese government’s Official Development Assistance program.
Samtang ang Mandaue-Consolacion-Liloan bypass road pundohan usab sa South Korean government.//