Natanggap na ng opisina ni Senate Committee on Accounts, Chairperson, Senador Alan Cayetano ang mga briefers at kinakailang dokumentong hiniling niya sa Department of Public Works and Highways (DPWH).
Kasunod ito sa napipintong gagawin nilang pagdinig sa Sendo sa darating na Miyerkules hinggil sa New Senate Building.
Una ng sinabi ng senador na layunin ng gagawin nilang pagdinig na bawasan ang mga delay sa ginagawang konstruksyon sa gusali na posibleng resulta ng mga hindi kinakailangan na gastos at kumplikadong detalye tungkol sa mga gastusin.
Samantala, alinsunod sa pagtanggap niya ng dokumento ay tiniyak niyang babasahin at pag-aaralan nila ito ng masusi bilang paghahanda sa darating na pagdinig.