Drayber patay human mabangga sa meat van ang gimanehoang motorsiklo

PATAY ang usa 43-anyos nga lalaki human mabangga sa meat van ang gimaehoan niining motorsiklo alas 4:30 ang takna sa hapon, Enero 30 sa Klinan 6 Road Corner Crossing, Upper Klinan, Barangay Upper Klinan, Polomolok, South Cotabato.

Giila sa Traffice Enforcement Unit Polomolok ang biktima nga si Jeofri De Chavez nga residente sa Tondo Barangay, Cannery Polomolok. Gikan matud pa sa sentro Klinan 6 ang nasampit nga biktima padulong sa direksyon sa Cannery, Polomolok samtang paliko na usab ang meat van nga gimanehoan ni Michael Quitel padulong sentro Upper Klinan sa dihang mibangga ang motor ni De Chavez sa likod nga bahin sa maong sakyanan.

Nakaangkon og serious head and body injury sa kalawasan ang nasampit nga motorista. Gisulayan pang dal-on sa ospital ang biktima apan gideklara nang dead on arrival. Sa kasamtangan nakakustodiya na sa TEU Polomolok ang meat van ug ang drayber niini ug planong makig-areglo sa pamilya sa biktima. I MJ Fernandez

Leave a Reply

Your email address will not be published. Required fields are marked *