LEGAZPI CITY – Pigpaplantsa na ngunyan kan Disaster Response Desk (DRD) an recovery plan kan gobyerno-probinsyal kan Albay para sa mga pamilyang naapektaran kan pag-alburuto kan Bulkang Mayon.
Sa pag-urolay kan DRD kasuhapon, pigpapakaray na kan pirang mga departmento na sakop kan DRD an saindang recovery plan partikularmente an pondo na kaipuhan iluwas sa probinsya.
Para sa mga komunidad, igwa su boot nin maabot sa PHP5B na pigtagama an gobyerno nganing pondohan an pagpapatindog nin mga arong kan mga pamilya hale sa 6 kilometer permanent danger zone.
Kaiba sa grand total kan recovery plan an mga tabang na nakuwa hale sa non-government organizations asin mga ahensya de gobyerno na igwa nin counterpart sa mga departamento sa kapitolyo.