Dakop ang isa ka driver sa ginkasa nga drug buybust operation sa Barangay Candelaria, Tapaz, Capiz.
Ginkilala ang nadakpan kay Ronald Gapi, 40-anyos, residente sang Barangay San Julian sa nasambit nga banwa.
Narekober sa posisyon kag paghinakop ni Gapi ang 7 tanan ka sachets sang ginapatihan shabu; P5,500 nga buy bust money; pouch kag keypad cellphone.
Ginabanta nagabug-at sang 3 gramos kag nagabalor tanan sang P20,400 ang nakumpiskar nga droga.
Sa karon, yara na sa kustodiya sang Tapaz Municipal Police Station ang suspetsado kag natalana nga pasakaan sang nagakaigo nga panumbungon. | Judy Ann Juare