Gikatakdang pasakahan og kasong kalapasan sa R.A. 9165 kon Comprehensive Dangerous Drugs Act of 2002 ang usa ka driver nga nadakpan atol sa gikasang drug buy bust operation sa mga sakop sa Toril Police Station.
Malampuson nga nasikop ang suspek nga nailang si alyas “HAROLD”, 33 anyos, ulitawo, drayber, taga Toril, sa dihang napalitan og shabu sa usa ka pulis nga nagpaka arung-ingnon mamalitay og shabu didto sa Brgy. Lizada, Toril, ning syudad.
Atol sa pagrikisa nakuha sab sa suspek ang mga lain pang pakete sa ilegal nga droga.
Kasamtangan, balhug na sa bilangguan sa Toril Police Station ang nasangpit nga dinakpan.