Pilason ang isa driver matapos ginbuno sang iya ginaalegar hilaw nga bayaw sa Brgy. Ondoy, Ivisan, Capiz takna alas 7:50 kagab-i sang Dominggo, Oktubre 8.
Ginkilala ang biktima kay alyas Samson, 23-anyos samtang ang suspek amo si alyas Miguel, 23-anyos lunsay mga residente sang nasambit nga lugar.
Sandig sa imbestigasyon sang Ivisan Municipal Police Station, nag-inom inom sang makahulubog nga ilimnon ang biktima kag suspek sa balay sang ila abyan bangud may yara sa birthday celebration, ginapahayag nga sang sila ang nagpauli sa balay sang iloy sang suspek hinali lang nagluntad ang pagbinaisay kun sa diin madasig nga nagkuha sang kutsilo ang suspek kag ginbuno ang biktima.
Bangud sa natabo, nag-angkon sang pilas sa nawala nga dughan, suloksulok kag ulo ang biktima nga gilayon man gindala sa Roxas Memorial Provincial Hospital para sa nagakaigo nga pagbulong.
Narekober sa lugar ang 7.5 inches nga kutsilyo.
Natigayon naman nga nadakpan sang mga kapulisan ang suspek kag sa karon nagapabilin ini sa prisohan para sa nagakaigo nga disposisyon. | Judy Ann Juare