Patay ang usa ka rider human nahulog sa kanal daplin sa kalsada ang gimaneho niini nga motorsiklo sa Purok 11, Davao-Bukidnon National Highway, Barangay Calinan, Calinan District ning syudad alas-6:15 kagabii, Hulyo 31, 2023.
Sumala sa Calinan Police Station nga self accident ang maong nahitabo.
Sa imbestigasyon ni PEMS Tito Panigon ug Traffic Investigator nga samtang gilatas sa driver ang Davao-Bukidnon National Highway partikular na sa nahitaboan ug padulong kini sa Barangay Lacson.
Apan pag abot niini sa lugar nawad-an og kontrol ang driver nga si Cris Louied Sabio Carajay, 34 anyos, minyo, ug residente sa Purok 7, Barangay Lacson, ug nabangga kini sa bato hinungdan nga napadulong kini sa open canal.
Gisulayan pa sa pagtabang sa mga rescue team sa Calinan ang biktima apan gideklara kining wala nay kinabuhi.
Ang patayโng lawas sa rider ang gidala sa St. Peter funeral.