PASAYLO ang gipangayo karon sa driver sa wing van nga midaro sa mga naninda daplin sa kalsada kilid sa Franklin baker sa Brgy. Darong, Sta. Cruz, Davao del sur alas-4:10 kaganihang kadlawon(May 20, 2022).
Giangkon ni Dave Villar Lumbab, 22 anyos ug residente sa Damolog Bukidnon, nga nakatulog siya ug wala na niya nakontrol ang manobela og napadulong sa pikas lane hinungdan sa pagka-angol sa katorse (14) ka mga indibdwal nga karon padayong gitambalan sa mga doctor samtang usa ang gikatalang nakabsan sa kinabuhi nga taga Puan ning dakbayan sa Davao.
Nailhan ang mga nasamdan nga sila:
1.Teresa Jane Joseph, 31
2. Anthony Tungal, 29
3. Christ John Baring, 14
4. George Lumanda, 48
5. Analisa Cabonilla, 55
6. Cybrill Carbonilla, 12
7. April Lumanda, 13
8. Felix Timbal, 59
9. Albert Erazo, 29
10. Edwin Arellano, 25
11. Glaiza Cameros, 23
12. Kerwin Eraso
13. Verlalaine Rosal, 22
Samtang, nabugtoan sa kinabuhi si Stephen Arellano, 22 anyos nga taga-Puan ning dakbayan sa Davao.
Dugang pa sa driver nga gikan siya sa Cagayan de Oro ug padulong sa Sasa ning dakbayan sa Davao, karga ang ilimnong makahubog.
Sa karon, anaa na sa kustodiya sa Sta. Cruz PNP si Lumbab ug gipailalom sa hugot nga interogasyon.BNFM-DAVAO