Droga nga gipailawom sa peanut butter gisulay og palusot sa prisohan sa dumaguete,nasakpan!

Nasakpan sa guard on duty sa Dumaguete City Police Station ang usa ka dako nga pakete sa gituohang shabu nga gisulod sa sudlanan og peanut butter dihang gisulay unta kini pagpalusot sulod sa Dumaguete City PNP Detention Cell,mga alas 6:50 kagabie, Huwebes, Septembre 2.

Ang nasikop nga naghatod sa pagkaon mao si Jerry Joseph  Mamicpic, 37 anyos , menyo , residente sa Brgy. Mangnao, Dumaguete City.

Matud pa sa guard on duty nga si Patrolman Rodel Michael Saycon,ang maong pagkaon alang sa pinirisong si John Lee Organista nga nadakpan usab niadtong mga nilabay nga semana tungod sa iligal nga droga.

Asoy pa ni Saycon nga nagduda siya sa dihang iyang giusisa ang peanut butter mao nga nikuha siyag usa ka slice sa sandwich og iyang gikuot didto sa peanut butter,apan wala jud siya nasayup sa iyang pagduda kay adunay usa ka plastic nga gilubong ilawom sa peanut butter og sa pagkuha pa niini,aduna kini sulod nga gituhoang shabu nga giputos og yellow nga tape.

Gibanabana nga anaa sa usa ka gramo ang maong shabu nga adunay DDB value nga 6,800 ka pesos.///Ariel Morro Amistoso