-Daina Gerona
KABANKALAN CITY, Negros Occidental — Gin pangturn-over na kag gin-blessingan ang pipila ka mga panibag-o nga equipment sang Disaster Risk Reduction and Management (DRRM) Kabankalan tinalikdan nga adklaw, Hulyo 01, sa mismo Evacuation Center.
Ini nga mga equipment ang para sa mga preparasyon sa nagkalain-lain nga mga kalamidad, insidente, aksidente nga indi mapaktan gulpi lamang nagaluntad, kalakip diri amo ang isa ka Jaws for life nga ginagamit sa mga salakyan nga aksidente nga indi na mabuksan, AC/DC kag Hydraulic nga Speader Cutter ginagamit sa extrications sa mga salakyan, stabilization kit, chainsaw, DGI Mavic 3 Pro Drone, para sa pagkuha sang mga aerial shots sang mga natural phenomenon.
Subong man, may yara sang panibag-o nga MOTOMEDIC ukon motorcycle for medic nga pagagamiton sa madasig nga pagresponde sang mga aksidente sa pagpadapat sang first aid kag sa tion nga Indi na kinahanglan ang ambulansya, tatlo ka mga rubber Boats nga makadala sang walo ka mga persona.
Base sa interbyu nga ginpatigayon sang Brigada Kabankalan sa alkalde sang Kabankalan, nga ini amo ang preparasyon subong nga tuig, ilabi na nga nagapasulod na ang tig-ululan.
Nahibaluan nga may mga porsyon sa syudad sang Kabankalan nga prone sa pagbaha kag landslide, rason nga Gina-inganyo sini ang mga rescue team nga mangin-alerto sa Tanan nga tion subong man ang mga pumuluyo sang Kabankalan.*