LEGAZPI CITY – Isinairarom kan lokal na gobyerno kan Camalig an mga personahes kan Disaster Risk Reduction and Management (DRRM) sa Assessment asin Evaluation katakod kan pagselebrar kan National Disaster Resilience Month.
Ini naisagibo sa pangengenot kan MDRRMO para sa mga miyembro kan Barangay Disaster Risk Reduction & Management Councils hale sa mga Barangay kan Bantonan asin Bongabong sa nasambit na banwaan. Obheto kan aktibidad na maasigurar na tultol na nasusunod an plano sa pagpreparar sa manlaen-laeng mga kalamidad.
Igwa ini nin temang “Bantayog ng Katatagan at ang Pagbubuklod sa Layuning Kahandaan” kun sain pigsisyerto man kaini na nakalinya an kada plano kan barangay sa munisipyo asin nganing mamonitor gabos na programa asin proyekto para maabot an zero-casualty na misyon kan LGU.