Nabungkag sa PDEA Davao Oriental Provincial Office, Provincial Drug Enforcement Unit ug Provincial Intelligence Unit sa Davao Oriental Police Provincial Office ug Mati City Police Station ang Drug den nga nahimutang sa Purok UN, Barangay Central, Mati City diin tulo ka indibidwal ang nadakpan.
Subject sa maong operasyon mao si Alexis Estillore alyas Alexa, 40, beautician ug residente sa Sto. Nino, Barangay Central, Mati City, Davao Oriental.
Aktong napalitan si Estillore sa PDEA Agent kinsa miaktong poseur buyer bugti sa Php 1,000.00.
Samtang, nadakpan sab ang mga kaubanan niini nga sila Regie Malacao, drug den maintainer, ug drug den visitor nga si Eric John Cuizon.
Nakumpiska gikan sa posisyon sa mga dinakpan ang kapin kon kulang pito ka gramo sa gituohang shabu nga gibana-banaan nga mubalor sa Php 47,600, nagkadaiyang drug paraphernalia ug ang buy-bust marked money.
Kasong paglapas sa Republic Act 9165 o mas nailang Comprehensive Dangerous Drugs Act of 2002 ang atubangon sa mga dinakpan.