Arestado an pito nga drug personality ha gindumara nga buy-bust operation han PNP-PDEA 8 ha usa nga drug den ha Brgy. 59-A, Sampaguita, Tacloban City dida han Marso 20, 2023.
Ginkilala an mga naaresto nga hira alyas “Encio”, 52 anyos; alyas “Eque”, 54 anyos; alyas “Ely”, 34 anyos; alias “Toper”, 37 anyos; alias “Enn-enn”, 36 anyos; alyas “Elago”, 21 anyos; ngan hi alyas “Obet”, 57 anyos.
An mga suspek in naatubang na ha pagtalapas ha Section 5, 6, 7, 11, 12, ngan 15 ng Art. II, Republic Act 9165 o Comprehensive Dangerous Drugs Act of 2002.
Ginpangunahan an operasyon han mga tinaglawas han Tacloban City Police Officde ha pamumuno ni Police Colonel Michael P Palermo, City Director kasugbong an Philippine Drug Enforcement Agency – Regional Office 8 ngan TCPO – City Drug Enforcement Unit ha pangunguna ni Police Captain Anthony-re B Amora, Chief, CDEU.
Nakumpiskar ha operasyon an walo nga sachet han gintutuohan nga shabu nga mayda kabug-aton nga 15 kagramo ngan mayda street value nga P102,000, assorted drug paraphernalia, buy-bust money, ngan cash nga nagkakantidad hin Php4,830.