Drug den sa Brgy. Lawaan ginsalakay sang PDEA-CAPIZ; 6 ka persona, arestado!

Arestado ang anom ka persona matapos ginsalakay sang mga otoridad ang isa ka drug den sa Brgy. Lawaan, Roxas City takna alas 4:00 kahapon sang Miyerkules, Abril 19.

Ginkilala ang mga naaresto nga sanday Gold Aringo, 41-anyos residente sang NHA Homesite, Brgy. Lawaan, Roxas City (Drug Den Maintainer); Princess Arenajo, 29-anyos, residente sang Sitio Ilaya, Ivizan (Drug Maintainer); Dotheny Araque, 49-anyos residente sang Malipayon, Brgy. Tiza, Roxas City (Drug den visitor); Gino Albarece, 32-anyos residente sang Brgy. Lawa-an, Roxas City (Drug Den Visitor); Jun Bartolo, 37-anyos (Drug Den Visitor) kag Kent Fernandez, 34-anyos (Drug Den Employee) lunsay residente sang Brgy. Cagay, Roxas City.

Narekober sa posisyon kag paghinakop sang mga nagkaladakpan ang 6 ka sachets sang ginapatihan shabu lakip na dire ang buybust item, ginabanta nagabug-at tanan sang 15 gramos kag nagabalor sang P102,000.

Dugang sa narekoner ang P500 nga buybust money, cellphone, gunting, lighter, Drug paraphernalia, kag P1,100 nga cash.

Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang mga nadakpan.

Sa karon, yara na ang mga ini sa kustodiya sang PDEA-Capiz para sa nagakaigo nga disposisyon. | Judy Ann Juare

Leave a Reply

Your email address will not be published. Required fields are marked *