Arestado ang walo ka persona matapos ginsalakay sang mga katapo sang Philippine Drug Enforcement Agency (PDEA) ang drug den sa Barangay Punta Tabuc, Roxas City.
Ginkilala ang mga nagkaladakpan nga sanday Razzel Eudela, 48 anyos sang Barangay Cabugao; Reniel Aniero, 27 anyos; Arnel Delfin, 23 anyos sang Barangay Maindang, Cuartero; Jonathan Bulan, 30 anyos sang Legaspi Ilawod; Edwin Aninacion, 44 anyos sang Barangay 9; Marvie Bergantinos, 49 anyos sang Barangay 9; Lezel Calara, 31 anyos sang Barangay Banica; kag Robinson Dela Cruz, 47 anyos sang Barangay San Jose.
Narekober sang mga otoridad ang 15 tanan ka sachets sang ilegal nga droga; P500 nga marked money; kag mga drug paraphernalia.
Natalana ang mga ini nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002. | Judy Ann Juare