LIMA ka durugista ang nagtingkagol ug takdang kasuhan human sila dakop sa hiniusang pwersa sa otoridad nga gipangunahan sa Philippine Drug Enforcement Agency Regional Office XI kauban ang Police Regional Office XI RDEU-RSOG, Davao Norte Police Provincial Office PIU ug Tagum City Police Station sa gipatumang buy bust operation sa usa ka drug den sa Purok Uraya, Barangay Mankilam, Tagum City, Davao del Norte Sabado sa kadlawon.
Target sa operasyon si Karl Jason Casin, 29-anyos nga positibong napalitan og shabu balor P10,000.00 sa nagtakubang buyer nga ahente sa PDEA.
Atol usab sa operasyon naabtan ang upat ka parokyano sa target nga nag shabu session hinungdan nga ghiapil og dakop nga gilang sila si Daisy Balmes; Felicisimo Bernardino; Michael Quizona; ug Carl David Sabaricos.
Tulo ka pakete sa gitoohang shabu nga mitimbang og 11 gramos ang narekober sa drug den nga gibana-banaang mokantidad og P165,000.00 lakip ang ubang mga non drug-item.
Ang mga dinakpan kasuhan og paglapas sa Republic Act 9165 or The Comprehensive Dangerous Drugs Act of 2002.