Drug raid sa Butuan, 10 dakpan

Natapos ang malipayong adlaw sa target nga gi-alegahang drug pusher human nag-positibo ang gihimong pagpangronda sa ginsakpan sa Philippine Drug Enforcement Agency (PDEA) Caraga diha sa Purok-13, Brgy. San Vicente, Butuan City kagabii.

Sa maong pagpangronda, napulo ang nadakpan lakip ang target nga si Mary Jean Macion alyas Bata, residente sa maong lugar.

Ang siyam nga mga kaubanang nadakpan ang pulos nangulipas nga wala silay labot sa iligal nga transaksyon sa target nga si Macion.

Gipamugos sa siyam, anaa sila sa maong balay sa target sanglit nitambong kini sa tapos sa namatay’ng inahan sa target ug na atlan usab nga gironda.

Sa siyam, isa niini ang Policewoman kinsa kasamtangang nadestino diha sa Langihan Police Station.

Tungod niini, pulos gipailawom sa drug test ang mga nahisgotan aron masuta kun nigamit ba kini sa gidiling druga ug kasamtangang gi-kustodiya sa prisohan sa PDEA Caraga.

Sa maong operation, mokabat sa 5 ka mga sachets sa gituohang shabu ang nakompiska nga dunay gibug-aton nga 10 gramos ug mga drug paraphernalia.

Leave a Reply

Your email address will not be published. Required fields are marked *