Patay ang drug suspek human misukol sa kapulisan atol sa gikasang drug buy bust operation sa mga personahe sa Baliok Police Station alas-11:10 sa gabii sa milabay’ng Disyembre 10, 2023 sa Babao Compound, New Town, Barangay Bago Gallera, ning syudad.
Sa inisyal nga imbestigasyon sa otoridad, sa dihang gitunol na sa suspek nga si Junmark Balasabas Mondilla alias Mark, 34, ug residente sa Purok 7 Rara St, Marapangi 3, Toril, ang pakete sa gituohang shabu bugti sa P500, nagpaila dayon ang sakop sa kapulisan, apan inay nga musurender mibunlot hinoon kini sa iyang .9mm revolver pistol ug gipusil ang operatiba.
Isip panalipod sa kaugalingon, mibalos ang kapulisan nga maoy hinungdan sa pagka-igo sa suspek. Gisulayan pa sa pagdala sa Mediquest Hospital apan gideklarang dead on arrival.
Narekober ang tulo ka pakete sa gituohang shabu, buy bust money, usa ka unit sa home-made .9mm revolver pistol nga walay serial number nga giundan sa duha ka buhing bala sa.9mm ammo, duha ka.9mm fired cartridge cases, ug sling bag sa suspek.