Gawas sulod na sa prisohan ang napatay nga suspek human misukol atol sa gilusad nga drug buy bust operation sa kapulisan alas-12:10 sa kadlawon kagahapon, Hulyo 11, 2023 sa Purok 8-A Riverbed, Brgy. 21-C, ning syudad.
Naaktuhan nga namaligya ang suspek nga nailang si Victor Gonzales Barrera alyas ‘Balong’ sa nagpaka aron ingnon nga poseur buyer, apan sa dihang nakamatikod kini nga pulis ang iyang gika-transaksiyon, kalit na lamang kini nga mibunlot sa iyang 38 revover ug nagpabuto tumong sa mga operatiba, ug isip panalipod mibalos sa pagpabuto ang otoridad.
Gisulayan pa sa pagdala sa SPMC ang suspek apan gideklara kining patay sa attending physician.
Nasayran nga ang suspek gideklarang Top 1 City Level High Value Individual (HVI) ug R.A.T TUGIS personality sa DCPO kansa nalambigit sa mga pagpangawat ug lungkab sa mga panimalay.
Nakuha sa suspek ang kapin kon kulang 7 grams sa gituohang shabu nga dunay street value nga Php112, 000.00 ug DDB value nga Php47,600.00.