DSWD-6 nag release it 53 thousand food packs cash assistance para sa apektado it bagyong Paeng

Nag release ro DSWD Field Office VI it 53,269 family food packs para sa pamilyang apektado it bagyong Paeng ag naitao eonman ro cash assistance para sa mga may nawasak nga baeay.  

Raya hay base sa report ni Atty. Carmelo N. Nochete, regional director, sa ginpatigayun nga ManCom (Management Committee) meeting kaibahan sanday Usec. Vilma Cabrera, Asec. Diana Rose Cajipe it DRMG (Disaster Response Management Group), Asec. Ma. Evelyn B. Macapobre for Visayas Affairs, ag OIC Director Rey Martija it DRMB (Disaster Response Management Bureau) nga nag agto sa rehiyon para makita ro mga response operations.

Umabot eon sa P32.5 milyon ro balor it bulig it DSWD nga kaabuan hay naitao eon pinaagi it family food packs nga nagaabot sa P28.2 milyon.

Ro Non-Food Items parehu it hygiene, sleeping ag kitchen kits, hay sa P1.04 milyon.

Umabot man sa P3.2 milyon ro cash assistance para sa mga namatay, totally ag partially damaged nga mga baeay, ag mga na-stranded sa mga port. / ANN DESLENE SALAZAR

Leave a Reply

Your email address will not be published. Required fields are marked *