Nagpasida-an ang Department of Social Welfare and Development (DSWD-XI) sa publiko nga dili mutoo sa mga madawat nga text message kalabot sa unclamimed Covid-19 cash gamit ang pangalan sa ahensya.
Kini human daghan na og nadawat ang DSWD-XI nga reklamo kabahin sa maong mensahe nga nagkanayong “Message from the Director of Social Welfare to Retired/Pensioner for your unclaimed Covid-19 cash” diin ang maong mensahe walay kamatuoran o peke kini.
Tungod niini, giklaro sa buhatan nga wala silay kalabutan ug dili gikan saila ang maong mensahe hinungdan nga nagpahimangno kini sa publiko nga dili mutoo sanglit posibleng gipanghimuslan lamang sa mga scammers o mangingilad ang kahimtang karong panahona.
Mibahad sab kini sa mga mangingilad na undangon na ang maong ilegal nga binuhatan sanglit dili sila magpanuko nga dakpon ang mga mipaluyo niini.
