MIABOT na sa GenSan ang dugang 1,195 ka AstraZeneca vaccine, Biyernes sa buntag.
Segun ni Dr. April Maquilang, immunization coordinator sa City Health Office nga ang maong bakuna ang alang sa mga wala pa nabakunahan sa priority A1 kon mga healthcare workers hangtud priority A2 kon mga senior citizens ug alang sa second dose sa vaccination
Kahinumduman nga temporaryo nga gisuspinde ang pag-administer sa bakuna kontra COVID-19 sa mga may edad 59-anyos paubos human sa pipila nga nakasinati og blood clot human maturukan sa AstraZeneca vaccine.
Apan sa GenSan, walay report nga nadawat ang City Health Office nga may nakasinati sa susamang side effects.
Sa kasamtangan, nagpadayun pa ang masterlisting sa City Health Office alang sa priority A3 kon kadtong adunay comorbidities o may mga sakit.