Nagkinahanglan pa og dugang 30 ka mga swabber ang lokal nga panggamhan aron maoy motabang sa gipakusgan nga case finding ug contact tracing.
Sigon kang Davao City Mayor Sara Duterte-Carpio, dunay insidente nga nang-resign ang mga swabbers, mohawa og kalit hinungdan nga maghire subli ang syudad.
Kinahanglan matud pa nga magbansay daan og swabbers lakip na mga doktor aron dili mahutdan tungod sa nagkataas nga demand.
Sa karon nagapdayon ang recruitment sa HRMO ilabi na sa mga doktor sanglit nagkinahangla og usa ka doktor matag vaccination team.
Ang hangyo sa City LGU nga hangtud Disyembre 31, 2021 kuhaon ang bayad nga serbisyo sa mga nahisgutan aron motabang sa testing, tracing, isolation, quarantining ug vaccination.
Sa pikas bahin gibutyag usab sa Mayor nga anaa sa minimum 10,000 vacinees matag adlaw ang target sa syudad, kana kung daghan ang available ngabakuna.
Matud pa nga sunod bulan daghan ang moabot nga bakuna apan walay eksaktong ihap nga laumangmoabot sa bulan sa Hunyo karong tuiga. BNFM-DAVAO