Dugang nga bakuna, ginahinyo para sa taga probinsya it Iloilo

Plano makarun ni Iloilo Governor Arthur Defensor Jr., nga magpangayo sa national government it dugang nga bakuna para sa mga taga probinsya it Iloilo.

Raya hay kasunod it pagdeklara nga ipaidaeum ro probinsya sa modified enhanced community quarantine (MECQ) umpisa hin-aga nga adlaw hasta sa Hunyo 30.

Naga eaum ro gobernador nga mas maabo ro bakuna nga igatao it gobyerno bangud una sa urgent situation ro nasambit nga probinsya.

Pero ginklaro ni Defensor nga bisan owa pa madaea ro probinsya sa mga lugar nga igapaidaeum sa MECQ, una man sa direksyon it national government nga dugangan ro bakuna nga ginatao sa mga probinsya kaeakip eon sa Iloilo.

Matandaan nga ku nagtaliwan nga dominggo, ginpasayud it IATF si Gov. Defensor nga ginpaboran nanda ro request it gobernador nga ipabahin ro probinsya sa priority areas sa national vaccination program. / ANN DESLENE SALAZAR

Leave a Reply

Your email address will not be published. Required fields are marked *