DUGANG personahe sa kapulisan ug kasundalohan ang gipakatag batuk sa posibleng pag-ulbo sa dakong kagubot sa Barangay Mindupok, Maitum, Sarangani Province.
Dungan sa pagpusil-patay atong Domingo sa buntag sa barangay Kapitana sa lugar nga si Tonisa Sarudin, hamtong ang panuigon. Matud ni Police Col. Nicomedes Olaivar, director sa Sarangani Provincial Police Office (SPPO) kini aron pugngan ang posibleng pagkatag sa kagubot sa duha ka magkalabang paksyon sa Moro Islamic Liberation Front (MILF) sa lugar.
Sa bahin sa kamatayon ni Sarudin, rido ug dunay kalabutan sa trabaho niini isip kapitan ang gisundan nga motibo sa pagpatay.
Samtang, nailhan na sa kapulisan ang pipila katao nga gituohang lambigit sa krimen. Una nang, gipailawom ang maong sa medium risk sa taliabot nga Barangay ug Sangguniang Kabataan Election (BSKE).
Kahibaloan nga pipila na ka eleksyon ang milabay nga gipaapel ang Maitum sa hot spots category sa matag piniliay. Bag-o si Sarudin, atong Setyembre 7, 2020 gipatay si Mohammad Dimaudtang Akmas alyas Ricky samtang naa sa barangay hall. I Richel Gubalani