Nagkinahanglan karon og dugang 12 ka swabbers ang City Health Office tungod sa kataas sa demand sa testing activities nga gilusad sa lokal nga panggamhanan.
Sumala kang City Health Office (CHO) acting head Dr. Ashley Lopez, gihangyo na sa ilang buhatan ang paghire og 12 ka swabbers aron motabang sa COVID-19 testing operations ilabi nang gilaraw karon nga himoong swabbing site ang Magsaysay Park.
Target usab sa CHO nga dawaton ang mga referrals gikan sa private medical organizations sanglit dili matud pa tanang kliyente kaya mobayad sa testing.
Seryoso matud pa ang City government sa pagpatuman sa COVID-19 regulations ug ginahimo karong aggressive surveillance testing sa tumong nga makuha tanang close contacts sa confirmed COVID-19 positive. Nasayrang sukad gipakusgan sa lokal nga gobyerno ang active case-finding ug surveillance swabbing, mas nahimong accessible sa daghang Dabawenyo ang reverse transcription-polymerase chain reaction (RT-PCR) test sa COVID-19.