CEBU – Nagdeploy ang Department of Health kun DOH-7 ug gatusan ka volunteers alang sa libreng supplemental immunization program sa gobyerno diin target nila nga makabakuna ug 700,000 ka mga bata sa rehiyon.
Matud ni Dr. Jaime Bernadas, regional director sa DOH-7 padayon ang ilang paningkamot arun makuha ang target sa ahensya alang sa maong programa, kauban ang mga local health workers.
Mismong ang mga health workers na ang musuroy sa mga kabalayan arun mahatagan ug bakuna ang mga kabataan sa measles, rubella ug polio.
Samtang gibutyag ni Dr. Joan Antonette Albito, ang family health section head sa DOH-7 nga sa pagkakarun anaa sa 41 percent ang ilang nabakunahan.
Naglaum usab ang ahensya nga sa mga musunod semana makuha na nila ang 95 percent goal ug makabakuna sila dugang 37,000 ka bata sa tibuok Central Visayas.//