Gidagsa sa mga Matiniang deboto og parokyano ang gipahigayong duha ka adlaw nga pagbisita sa relics ni St. Therese of the Child Jesus sa Mati City.
Nasayran nga mao na kini ang ikalimang pagbisita sa maong relics sa Pilipinas og mapasalamaton ang Diocese sa Mati tungod kay lakip ang Diocese sa nabisitahan niini.
Sa eksklusibong pakighinabi kang Bro. Froilan Torres Secular Order of Discalced Carmelite, nasayran nga ang maong relics naggikan pa sa Lixieux France og gilibot sa tibook Pilipinas sulod na sa upat ka bulan ug planong mobiya sa nasud sa umaabot nga Abril 30 aron dalhon sa Germany.
Sulod sa duha ka adlaw nga pagbisita, nasayran nga adunay gipahigayon nga Welcome Mass sa Cathedral ni San Nicolas De Tolentino, gisundan og Veneration, dayun prosesyon paingon St. Therese Seminary, Vigil Mass, paghuman gibalhin sa Carmelite Monastery og didto aduna napoy gipahigayon nga Misa usa ibyahe paingon sa Manay, Davao Oriental.