Duha ka semana ayha ang eleksyon, contingency measure sa kasundalohan giplastar

GIPALIG-ON pa sa Eastern Mindanao Command (EastMinCom) ang contingency measures nga ipatuman sa ilang areas of responsibility ilabi na sa mga lugar nga giilang “Election Areas of Concerns” halos duha ka semana ayha ang 2022 National ug Local Election.

Nunot kini sa gihimong pakigkita ug pakigpulong ni LtGen. Greg  Almerol, labaw sa EastMinCom ngadto sa Commission on Elections (COMELEC), Philippine National Police (PNP), ug uban pang mga government security agencies arun nga isapinal ang pagpangandam alang sa pagpatuman sa secure, accurate, free, and fair elections (SAFE) pinaagi sa Regional Joint Security Control Center (RJSCC) Command Conference sa miaging mga adlaw.

Gipunting sa sunod-sunod nga kumperensiya ang diskusyon sa security preparation updates ilabi na ang deployment sa tropa ug mga lakang nga ipatuman sa mga lugar nga gihatagan og prayoridad karong eleksyon.

Kahinumdoman nga ang EastMinCom gi-deputize sa COMELEC isip usa sa mga law enforcement agencies ug government instrumentalities nga manguna sa pagsiguro sa seguridad sa dili pa, sa mismong adlaw ug paghuman sa eleksyon.

Kahibaluang una nang gilusad ang RJSCC didto sa Northern Mindanao Region sa Malaybalay City, Bukidnon; dayon gisundan  sa Davao Region, Davao City; ug Caraga Region sa Surigao City, Surigao del Norte.

Sa pikas bahin, laraw sab karon sa pamunuan sa Eastmincom ang pag-tap sa mga reserved ug forward service units arun mapadali ang deployment sa tropa sa Mayo 9.

Samtang gipasalig ni Almerol sa publiko nga dili na makapahigayon pa og pagpanghasi ang walhong grupo atol sa eleksiyon kini tungod sa pagkabungkag sa daghang mga Guerilla Units ug padayong paghuyang resulta sa sunod-sunod nga pagsurender sa mag sakop sa Communist Terrorist Group (CTG).BNFM-DAVAO

Leave a Reply

Your email address will not be published.