Dunay HIV/AIDS nga natakdan sa Covid-19 miabot sa 20

Gibutyag sa HIV / AIDS Core Team sa Southern Philippines Medical Center nga moabot sa 20 ka mga indibidwal nga positibo sa HIV/AIDS ang nakaangkon usab og COVID-19

Sumala kang Lorraine Mata RN head nurse sa SPMC-HACT, ang maong ihap natala sukad nagsugod ang pandemya kung asa nagpakonsulta ug mipailalom sa HIV screening apan nasayran nga natakdan usab sila sa COVID-19.

Dugang ni Mata nga wala labot sa maong ihap ang mga HIV patient nga namatay human nga nagpositibo sa Covid-19.

Samtang giangkon usab niDr. Jordana P. Ramiterre, labaw sa  Reproductive Health and Wellness Center (RHWC ) sa City Health Office (CHO) nga nikonhud ang ihap sa mga indibidwal nga nga nagapatest sukad niulbho ang pandemya apan gitataw usab niini nga padayon ang mga serbisyong gitanyag sa RHWC ug ang paghatag og tambal sa mga persons living with HIV.

Subay sa datus, moabot na sa 4,513 ang ihap sa mga indibidwal nga positibo sa HIV sa Davao region gikan1993 hangtuf 2020 ug  238 niini ang nakabsan.

Pinakadaghang natala ang dakbayan sa Davao nga dunay 3,312; Davao del Norte -556 kaso; Davao del Sur-242 ; Davao de Orosunay 200 ka kaso; ang  Davao Oriental  nakatala og 141 sa samtang sa Davao Occidental mitala og 62.
Nasayrang kagahapon Mayo 16, 2021 gilusad sa tibook kalibutan ang International AIDS Candlelight Memorial 2021.

Leave a Reply

Your email address will not be published. Required fields are marked *