Durant ‘best player in the world’- Giannis

Naniniwala si 2-time NBA Most Valuable Player Giannis Antetokounmpo na si Kevin Durant ang maituturing na kasalukuyang ‘best player in the world’.

Ginawa ni Antetokounmpo ang pahayag matapos talunin ng Milwaukee Bucks ang Brooklyn Nets ni Durant sa Game 7 ng Eastern conference semifinals, 115-111.

Sa naturang laro nagtala ang Brooklyn star ng 48 points kabilang na ang last-second shot sa 4th quarter na nagtabla sa score sa 109-109 at maipilit ang overtime.

“I said it a couple of days ago, he’s the best player in the world,” ayon kay Giannis. “He’s still the best player in the world.”

Humakot naman ng 40 points ang tinaguriang ‘The Greek Freak’ at nagpamalas ng magandang depensa sa overtime period para selyuhan ang panalo.

Samantala hihintayin naman ng Bucks ang mananalo sa do-or-die Game 7 sa pagitan ng Philadelpia 76ers at Atlanta Hawks para makaharap nito sa Eastern Conferenc Finals.