Padayun ro imbestigasyun it Batan PNP angot sa nasapwan nga patay nga tawo sa Brgy. Camanci, Batan, Aklan ku Hunyo 21, 2024.
Suno kay Police Capt. Gilbert Batiles it Batan police, sa inisyal nanda nga imbestigasyun hay owa gid sanda it makita nga indikasyon nga pinatay ro biktima nga ginkilaea kay Rowel Villar Ignacio, 52yo, kapin hay owa man segun raya it kontra ag owa it rekord sa andang barangay.
Nagaguwa man sa resulta it post mortem sa biktima nga owa raya it nina maliban sa gaob ag pila ka mga naangkon nga eanog sa eawas. Ginapatihan nga sinungay ro biktima it anang alagang anwang bangud kat nasapwan ro biktima hay kaiping man kara ro anang anwang nga matsa nakabitin.
Owa pa segun ginasarado it kapulisan ro kaso para masayran gid ro matuod nga rasun it kamatayun it biktima. // ANN DESLENE SALAZAR