Eaeaki nga nag saway sa naga inaway nga mag live-in partner, linabo it sanduko

Naka angkon it tama’t pag-eabo sa waea nga alima ag parte it kaeawasan ru biktima matapos magsaway sa naga inaway nga mag live-in partner sa Purok 6, C. Laserna St., Kalibo, Aklan.

Nakilaea ru biktima nga si Garry Panagsagan, 31 anyos, residente it nasambit nga lugar ru maglive-in partner dahil naga sinangag ag hanagob eon ru oras sa gabie.          

Samtang ru suspek hay nakilaea nga si Joven Flores, 29 anyos  ag tubong Brgy. Paeali, Banga apang presenting naga estar sa nasambit man nga lugar.

Nakilaea man ru live-in partner nga si Rosemarie Quinton, sa legal nga edad.

Gin saway it biktima ru suspek ag ikara sinabat nga gin kaugot man it biktima.

Dinaehan it kutsilyo ru suspek apang naka pwesto ru suspek kontra sa biktima rason nga linabo.

Padayon pa nga gina bueong sa hospital ru biktima samtang ru suspek hay presenting naka detained sa Kalibo locked u cell para sa naga kaigo nga disposition.//MARIVIC Y. ILIN

Leave a Reply

Your email address will not be published. Required fields are marked *