Naka angkon it tama’t pag-eabo sa parte it kaeawasan ru 3 mga naga sugae sa namatyan saSitio PinaungonBrgy. Balabag Boracay, Malay, Aklan.
Nakilaea ru mga biktim anga sanday Jaime Barba, 50 anyos it Sitio Ambulong Brgy. Manoc-manoc Boracay, Malay, Aklan; Nanie Gusi, 52 anyos it Sitio Diniwid Brgy. Balabag, Boracay Malay ag Joveloyd Cagampang, 36 anyos ag residente it Sitio Bulabog Brgy. Balabag Boracay, Malay, Aklan.
Samtang, ru suspek hay si Edward Teodoro, 46 anyos it Brgy. Union, Nabas, Aklan apang presenting naga estar sa Sitio Sinagpa Brgy. Balabag Boracay, Malay, Aklan.
Nagwala sigun ru suspek matapos nga uwa pag bayri it anang daog sa sugae sa sangka namatyan rason nga umuli sa andang baeay ag nagbuoe it sanduko.
Ikara nag pang-eabo ag tinamaan ru mga biktima.
Eagi man nga nag responde ru Boracay MPS apang uwa mag papugong sa mga otoridad ru suspek rason nga binaril sa dughan ag siki.
Na aresto ru suspek ag sa makaron hay confine sa hospital samtang sa kustodiya eon it Boracay MPS ru sanduko.
Samtang, padayon man nga gina bueong sa probinsyal hospital ru 3 mga biktima.//MARIVIC Y. ILIN