Isinailalim ngayong araw, May 3, 2021 sa General Community Quarantine Bubble ang bayan ng Echague, Isabela.
Ito ay sa bisa ng executive order no. 18 na inilabas ni Mayor Francis Faustino “Kiko” Dy.
Ginawa ang naturang hakbang dahil sa pagtaas ng mga naitatalang positibong kaso ng COVID-19 at bilang ng mga nasasawi may-kaugnayan sa nasabing sakit sa munisipalidad nitong nagdaang buwan.
Dahil dito ay ipinatupad ang mas mahigpit na implementasyon ng mga health protocols kung saan isasailalim sa mandatory triage sa mga non-residents ng bayan katulad ng mga contract workers, temporary transient LSI mula sa ibang probinsya o rehiyon at ROFs.
Epektibo rin ang curfew hours simula alas-10 ng gabi hanggang alas-5 ng umaga, liquor ban at bawal din ang dine-in.
Pinagbabawalan ding lumabas sa kanilang mga tahanan ang mga edad 18 pababa at 65 pataas.
Habang limitado ang mass gatherings sa sampung katao na dadalo.
Inaasahan naman ang pagsasailalim sa bayan sa GCQ bubble na maibsan ang transmission ng COVID-19.
CAMARINES SUR- Pagkalunod ang naging sanhi ng pagkamatay ng 18 anyos na dalagang si Danica…
NAGA CITY – Pinulong ngayon ng Public Safety Office ang presidente at opisyales ng mga…
Nagsagawang muli ang SSS ng tinatawag na Run After Contribution Evaders o RACE noong Biyernes,…
NAGA CITY - Inisyuhan na ngayong araw ng written order ang pitong contribution evaders sa…
NAGA CITY – Naging problema din ng mga atleta ng Naga City na kalahok sa…
Idiniin ng grupong MANIBELA na kahit na paso na ang deadline para sa franchise consolidation…