Dismayado si Senator-elect JV Ejercito sa ilang netizens matapos na tawagin siyang “padrino” o protektor ng driver na sumagasa sa isang security guard habang nagmamando ng trapiko sa Madaluyong City.
Ito’y matapos na mag-alok ang senador ng P50,000 na pabuya para sa anumang impormasyon hinggil sa suspek.
Ayon kay Ejercito, gusto lang naman umano niyang makatulong, pero siya pa ang napasama.
Giit nito, na sa katunayan, galit na galit siya sa driver at gusto nga niya umano itong sapakin matapos makita ang viral na kuha mula sa dash cam hinggil sa naturang insidente.
Dahil dito, binigyang diin ng mambabatas na mas lalo niyang napatunayan ngayon na sa social media, marami ang hindi marunong magbasa, basta’t may masabi lang. // MHEL PACIA-TRINIDAD
